العم سام بيقول كلام وهوه أصلا ً ما يفهموش.
كلام كتير عن الحقوق والحق عنده ماردّهوش.
ولا الكلام بتاع السلام اللى قتله وماكفِـّنوش.
قال فى العراق كيماوى ونووى ما يرحمووش.
وطبعاً خد جيوشه وراح يبيده ومايخليهوش.
وبعد ما خربها .فين الكيماوى؟! قال مالآهوش!.
معلش أصل الأمن القومى والمخابرات ماتأكدوش.
وماله! قضينا على صدام أصل الشعب مابيحبهوش.
حجه جديده ياعم سام ماهو إنتو مابتغلـَبوش.
رسمتو محور الشر وأساس الشر ماكتبتهوش.
أفكرك بيه (تل أبيب) إسمه إسرائيل بس ماتنسهوش.
يظهر ياعم سام عندك زهايمر والدوا ماخترعتوش.
وقالولك الدوا فى الخليج بترول ماإحتلتهوش.
ولا نبوءة العراف اللى صدقته وماكدبتهوش.
تتغدى بلسان سوريا وإيران مشوى ماتسلقهوش.
سيبك من التنطيط وإمسك كتاب تاريخ ماذاكرتوش.
هيعلمك ويفكرك باللى قبلك لما علينا ما قدروش.
اللى أحفادهم حزب الله وحماس مقاومين مابيسلموش.
شعارهم النصر أو الشهاده وبغيرهم مابيحلموش.
ياعم سام سيبك من الأوهام وكلام مابيعملوش.
لمرات كلينتون ولا غيرها ولابوش ولا إبن الوحوش.
***********
إلى اللقاء
وأرجو أن تنال إعجابكم،،
وفى إنتظار تعليقاتكم،،
إلى اللقاء
وأرجو أن تنال إعجابكم،،
وفى إنتظار تعليقاتكم،،
من لبنان
والله كلامك جميل جدا بس ياريت حد يفهم المعنى تقبل مروري اختك نودا