خد سيجاره
هيه كلمه قالها ليا واحد صاحبى من البدايه
كلمه سهله كتير نقولها بس فيها من الغوايه
قلت اجرب يمكن القا فيها لذه أو هوايه
يااه يا صاحبى كنت واهم تبقا مره ومش حكايه
بس ياخساره الحكايه طوٍّلت وبقت روايه
السيجاره تجيب سيجاره والدماغ تطلب كماله
خد سيجاره
المصيبه ان السيجاره انا ماكتفيتش بطعمها
قلت اغير من ريحتها ولا ابدل حشوها
صاحبى تانى ليا قاللى يلا نخلط تبغها
يا بحشيش .يا إما بانجو مش هتنسا سحرها
والنوبا دى هديه منى مش مهم سعرها
خد سيجاره
مش هطول فى الروايه يلا نوصل للنهايه
النهايه انى ابتديتها لما قلت لصاحبى هات
كان ضرورى ولازم ارفض يومها ولحد الممات
نفسى أعرف نَفسى صاحى ولا غرقان فى السبات
كان معايا فلوس كتير دلوقتى عايش عالهبات
كل دا علشان فى مره إكتفيت انا بالسكات
لما قالى صاحبى مره
خد سيجاره
طب ياريتنى ما قلت ..هااااات !!
وإلى اللقاء
مع تحياتى ..عادل
من مصر
هات السيجارة
كالعادة مواضيعك متميزة استاذى العزيز عادل
تحياتى ميدو بك عرفه